मिति २०७७ जेठ २४ गते शनिवार तथा २५ गते सुकुना बहुमुखी क्याम्पस सुन्दरहरैँचा माेरङले आयाेजना गरेकाे प्रदेश नं. १ स्तरीय काेभिड १९ र उच्च शिक्षाकाे दिशा शीर्षात्मक दुई दिने वेबिनारकाे अध्यक्षता क्याम्पस सञ्चालक समितिका अध्यक्ष श्री केशव अधिकारी गर्नुभयाे । विश्वविद्यालय अनुदान आयाेगका अध्यक्ष, कार्यक्रमका प्रमुख अतिथि प्रा.डा. भीमप्रसाद सुवेदीज्यूले उद्घाटन मन्तव्य राख्नु भयाे । मन्तव्यका क्रममा उहाँले काेभिड १९ का कारणले शिक्षा क्षेत्रमा परेकाे प्रभाव र त्यसकाे समाधानका लागि विश्वविद्यालय अनुदान आयाेगले गर्नसक्ने सहयाेग गर्ने प्रतिबद्धता व्यक्त गर्नुभयाे । कार्यक्रममा An Overview of COVID 19 विषयक कार्यपत्र जनस्वास्थ्य महाशाखा , सामाजिक विकास मन्त्रालय प्रदेश नं. १ का प्रमुख डा. सुरेश मेहताले प्रस्तुत गर्नुभयाे । कार्यक्रममा जनमैत्री क्याम्पसका प्रमुख भाेला ओझा, पब्लिक क्या. सङ्घ नेपालका अध्यक्ष शिवराज सञ्जेल एवम् त्रि.वि. व्यवस्थापन सङ्कायका डीन डिल्लीराज शर्माले मन्तव्य राख्नु भयाे । प्रदेश नं. १ का आङ्गिक तथा सामुदायिक क्याम्पसका प्राध्यापकहरू तथा शिक्षासँग सराेकार राख्ने महानुभावहरूकाे १७० भन्दा माथिकाे सङ्ख्यामा उपस्थिति रहेकाे थियाे । उप प्रा. एन.पी. भण्डारीबाट सञ्चालन भएकाे उक्त कार्यक्रम २०७७ जेठ २५ गते बिहान ११ बजेदेखि पुन: सञ्चालन गर्ने गरी स्थगन भयाे ।
सुकुना बहुमुखी क्याम्पसक अतिरिक्त क्रियाकलाप समितिकाे आयाेजनामा मिति २०७६ माघ २१ गतेदेखि २४ गतेसम्म र २९ गतेदेिख २०७६ फागुन १ गतेसम्म एथेलेटिक्स तथा भलिबलका खेलकुदका कार्यक्रमहरू सञ्चालन भए ।यस कार्यक्रममा छात्र तथा छात्रा विद्यार्थीहरूकाे व्यापक सहभागिता रहेकाे थियाे । २१ गतेदेखि सञ्चालन भएकाे उक्त खेलकुदकाे कार्यक्रमकाे भलिबल खेलकाे Final फागुन १ मा सम्पन्न भयाे । बि.एड. प्रथम र कक्षा १२ का बीच भएकाे खेलमा बि.एड. प्रथमले प्रथम स्थान प्राप्त गर्न सफल भयाे । उक्त दिन ९ बजे बिहानदेखि पुरस्कार वितरणकाे कार्यक्रम रह्याे । क्याम्पस सञ्चालक समितिका अध्यक्ष श्री केशव अधिकारीकाे प्रमुख आतिथ्यमा भएकाे उक्त कार्यक्रमकाे सभापतित्व क्याम्पस प्रमुख श्री चन्द्रमणि राईले गर्नुभएकाे थियाे । पुरस्कार वितरण प्रमुख अतिथि , क्याम्पस प्रमुख , कार्यक्रमका संयाेजक तथा प्राध्यापक संघका सचिवबाट संयुक्त रूपमा भयाे । अतिरिक्त क्रियाकलाप समितिका संयाेजक उप प्रा. उमानाथ भट्टराई, सदस्यहरू उप प्रा. जनार्दन गुरागाई, शिक्षण सहायक खगेन्द्रराज दाहाल, खेलप्रशिक्षक जयराम राजवंशी तथा स्व.वि.यु. सभापति तथा अन्य विद्यार्थीहरूकाे समेत सक्रियतामा सञ्चालन भएकाे उक्त कार्यक्रमबाट विद्यार्थीहरूकाे शारीरिक तथा मानसिक विकासमा सहयाेग पुग्ने विश्वास लिइएकाे छ । उक्त कार्यक्रमकाे सञ्चालन जनार्दन गुरागाईले र विद्यार्थी प्रमाेद गेलालले गर्नुभएकाे थियाे ।
विश्वविद्यालय अनुदान आयाेग , गुणस्तर सुनिश्चितता तथा प्रत्यायन महाशाखाकाे आयाेजनामा उच्चशिक्षाकाे गुणस्तर सुानिश्चितता तथा प्रत्यायनका लागि अवलम्बन गर्नुपर्ने कार्यपद्धति र स्वअध्ययन प्रतिवेदन तयारी सम्बन्धमा प्रदेश नं. १ स्तरीय तीन दिने कार्याशाला गाेष्ठी मिति २०७६ पाैष १७ देखि १९ गतेसम्म यस सुकुना बहुमुखी क्याम्पस, माेरङकाे सभाकक्षमा सञ्चालन भयाे । गुणस्तर सुनिश्चितता तथा प्रत्यायन (QAA) का लागि कार्यपद्धति र स्वअध्ययन प्रतिवेदन SSR लेखनमा सहभागी भएका प्रदेश नं. १ का ३४ वटा क्याम्पसहरूले यस कार्याशाला गाेष्ठीमा भाग लिएका थिए ।
प्रस्तुत कार्यक्रमकाे अध्यक्षता सुकुना बहुमुखी क्याम्पस सञ्चालक समितिका अध्यक्ष केशव अधिकारीबाट भएकाे थियाे । उद्घाटन र कार्याशाला सत्र गरी दुई सत्रमा सञ्चालन भएकाे प्रस्तुत कार्यक्रमकाे सञ्चालन QAA Division का अधिकृत द्वय गाेपाल आचार्य र ममता प्रजापतीले गर्नुभएकाे थियाे । QAA Division का निर्देशक डा. ऋषिकेश पाण्डेले स्वागत मन्तव्य राख्नु भएकाे उक्त कार्यक्रमकाे औचित्य QAAD/UGC का विषय विशेषज्ञ प्रा.डा. भाेला थापाले प्रकाश पार्नुभएकाे थियाे ।
कार्यक्रमकाे दाेस्राे सत्रमा विषय विशेषज्ञ प्रा.डा. भाेला थापा तथा डा. ऋषिकेश पाण्डेले आन्तरिक गुणस्तर र सुनिश्चितताकाे महत्त्व, आवश्यकता, सङ्गठन एवम् कार्यका सम्बन्धमा व्यापक रूपमा आफ्ना प्रशिक्षणात्मक प्रस्तुति राख्नुभएकाे थियाे । त्यसैगरी QAA Division का अधिकृत द्वय गाेपाल आचार्य र ममता प्रजापतीले आधारभूत चरणहरू तथा त्यसकाे तयारीका बारेमा प्रशिक्षण दिनुभएकाे थियाे । सुकुना बहुमुखी क्याम्पसका क्याम्पस प्रमुख चन्द्रमणि राईले गुणस्तर सुनिश्चितता तथा प्रत्यायनकाे यात्रामा आफ्नाे क्याम्पसले प्राप्त गरेकाे अनुभव राख्नुभएकाे थियाे । सुकुना बहुमुखी क्याम्पसका पूर्व क्याम्पस प्रमुख स्थानीय विकास प्रशिक्षण प्रतिष्ठानका कार्यकारी निर्देशक पीतकुमार श्रेष्ठले समेतन] मन्तव्य राख्नुभएकाे यस कार्यक्रमका सहभागीहरूले कार्यक्रमबाट आफूहरू सन्तुष्ट रहेकाे प्रतिक्रिया दिएका थिए । कार्याशाला तथा छलफल गर्दै सम्पन्न भएकाे उक्त कार्यक्रमकाे समापन अध्यक्ष केशव अधिकारीले गर्नुभयाे ।
२०७६ साल मङ्सिर २९ गते पव्लिक क्याम्पस प्राध्यापक सङ्घ, नेपाल सुकुना बहुमुखी क्याम्पस एकाइ समितिकाे आयाेजनामा सम्पन्न भएकाे प्राध्यापकहरूकाे चाैथाे भेलाले निर्णय गरेअनुसार मिति २०७६ पाैष २ गते सम्पन्न भएकाे निवार्चनबाट एघार सदस्यीय कार्य समितिकाे गठन भयाे । एकल सङ्क्रमणीय मतका आधारमा भएकाे निवार्चनबाट नेपाल प्रगतिशील प्राध्यापक सङ्गठनबाट १० र प्रजातन्त्रवादी प्राध्यापक सङ्घबाट १ जना गरी कार्य समिति गठन भएकाे हाे । उप प्राध्यापक बलराम पाेखरेलकाे सभापतित्वमा बनेकाे कार्य समितिमा उप सभापति कान्ता सुवेदी, सचिव बालकृष्ण खडका, सह सचिव माया देवान, काेषाध्यक्षमा ध्रुव नेपाल रहनु भएकाे छ । त्यसै गरी सदस्यहरूमा गणेशप्रसाद दहाल, टीकाप्रसाद उपाध्याय ढुङ्गेल, उमादेवी गुरागाइँ , खगेन्द्रराज दाहाल र रमेश खतिवडा ( प्रजातन्त्रवादी प्रा. सं.) रहनु भएकाे छ ।
सहायक क्याम्पस प्रमुख उप प्रा. अर्जुनराज अधिकारीकाे संयाेजकत्वमा गठित तीन सदस्यीय निर्वाचन समितिमा उप प्रा. उमानाथ भट्टराई तथा उप प्रा. जनार्दन गुरागाई रहेका थिए । शान्त र साैहार्दपूर्ण ढङ्गबाट निर्वाचन सम्पन्न भएकाप्रति खुसी व्यक्त गर्दै पव्लिक क्याम्पसहरूमा प्राध्यापक सङ्घकाे भूमिका रचनात्मक हुनुपर्ने भन्ने आफ्नो धारणासहित नवनिर्वाचित प्रतिनिधिहरूलाई क्याम्पस प्रमुख चन्द्रमणि राईले बधाई तथा शुभकामना दिनुभएकाे थियाे । बिहान ८ बजेबाट आरम्भ भएकाे निर्वाचनकाे परिणाम अपरान्ह ४ः३० बजे घाेषणा गरिएकाे थियाे । उक्त अवसरमा नवनिर्वाचित कार्य समितिकाे तर्फबाट सभापति पाेखरेलले प्राध्यापक, कर्मचारीहरूकाे पेसागत हकका लागि आवाज उठाउने र क्याम्पसकाे चाैतर्फी विकासमा सधैँ सहयाेगी रहने प्रतिबद्धता व्यक्त गर्नुभयाे ।
मिति २०७६ साल असार २२ गते बसेको क्याम्पस सञ्चालक समितिको बैठकले दिवासत्रको कार्यक्रम सञ्चालनका लागि उपप्राध्यापक श्री मेघनरायण श्रेष्ठलाई नियुक्त गर्ने निर्णय गरेको छ । निर्णयानुसार उहाँले प्राध्यापकहरूको उपस्थितिमा मिति २०७६ साल असार २३ गते पदभार ग्रहण गर्नुभयो ।
सुकुना बहुमुखी क्याम्पस सञ्चालक समितिको मिति २०७६ साल असार २२ गतेको वैठकको निर्णयअनुसार उपप्राध्यापक श्री उमानाथ भट्टराईलाइ नेपाली विभागको विभागीय प्रमुखमा नियुक्त गरिएको छ भने अर्का उपप्राध्यापक श्री नरप्रसाद भण्डारीलाई क्याम्पसको उच्च शिक्षा सुधार परियोजना( Higher Education Reform Project- HERP ) अन्तर्गत कामकाज गर्ने गरी मिति २०७६ साल साउन १ गतेबाट लागू हुने गरी फोकल पर्सनमा नियुक्ति गरिएको छ ।
मिति २०७६ साल असार १२ गते बसेको क्याम्पस सञ्चालक समितिको बैठकमा क्याम्पस प्रमुख श्री लक्ष्मीकुमार श्रेष्ठले क्याम्पस प्रमुखको पदबाट राजिनामा दिनुभएकाले सोहि बैठकले श्रेष्ठको राजिनामा स्वीकृत गरी श्रेष्ठकै प्रस्तावमा क्याम्पसको दिवा सत्रमा कार्यरत सहायक क्याम्पस प्रमुख उपप्राध्यापक श्री चन्द्रमणि राईलाई क्याम्पस प्रमुखको जिम्मेवारी दिने निर्णय गरेको छ । राई यस क्याम्पसमा २०५० साल कार्तिक १७ देखि यस क्याम्पसमा भूगोल विषय प्राध्यापनरत हुनुहुन्छ । क्याम्पसले २०७६ साल असार १३ गते विहान अनौपचारिक कार्यक्रमका साथ सञ्चालक समितिका अध्यक्ष केशव अधिकारी र सञ्चालक समितिका पूर्व अध्यक्ष र वर्तमान सदस्यहरु, प्राध्यापक, कर्मचारी र विद्यार्थीको उपस्थितिमा क्याम्पसको कार्यकक्षमा अध्यक्षबाट क्याम्पस प्रमुखको नियुक्ति पत्र प्रदान गरिएको थियो भने पदभार ग्रहणकालागि निबर्तमान क्याम्पस प्रमुख लक्ष्मीकुमार श्रेष्ठले पद हस्तान्तरण तथा पदस्थापन गराउनु भएको थियो ।
सुकुना बहुमुखी क्याम्पसको बाह्रौँ परिषद बैठक आज मिति २०७६ साल जेठ ३० गते क्याम्पसको सभाहलमा सम्पन्न भयो । कार्यक्रमका प्रमुख अतिथि प्रदेश सामाजिक विकास मन्त्री श्री जीवन घिमिरेको आतिथ्यमा सम्पन्न उक्त बैठकको अध्यक्षता क्याम्पस सञ्चालक समितिका अध्यक्ष श्री देवेन्द्रकुमार मास्केले गर्नुभएको थियो । उक्त वैठकले क्याम्पस प्रमुख श्री लक्ष्मीकुमार श्रेष्ठद्वारा प्रस्तुत क्याम्पसको बार्षिक प्रतिवेदन र आन्तरिक लेखा परिक्षणको प्रतिवेदनलाई पारित गरेको थियो भने सर्बसम्मत रुपमा तपसिलको क्याम्पस सञ्चालक समिति, लेखा समिति र पुनरावेदन समिति गठन गरियो ।
सञ्चालक समिति
१ केशव अधिकारी – सञ्चालक समिति अध्यक्ष
२ गोपालबहादुर थापा – सञ्चालक समिति उपाध्यक्ष
३ गणेशराज मास्के – सञ्चालक समिति सदस्य
४ सुरेन्द्रबहादुर थापा – सञ्चालक समिति सदस्य
५ पुण्यप्रसाद आचार्य – सञ्चालक समिति सदस्य
६ नरेन्द्र बस्नेत -सञ्चालक समिति सदस्य
७ ललितबहादुर श्रेष्ठ – सञ्चालक समिति सदस्य
८ लक्ष्मीप्रसाद फुँयल -सञ्चालक समिति सदस्य
९ नागेस पोख्रेल – सञ्चालक समिति सदस्य
१० ज्ञानेन्द्र ओझा -सञ्चालक समिति सदस्य
११ नेत्रप्रसाद ढकाल – सञ्चालक समिति सदस्य
१२ टीका चापागाईँ भट्टराई – सञ्चालक समिति सदस्य
१३ विन्दा दाहाल थापा – सञ्चालक समिति सदस्य
१४ नारायणप्रसाद चुडाल – सञ्चालक समिति सदस्य
लेखा समिति
१ चुडामणि तिम्सिना – लेखा समिति संयोजक
२ अमृतप्रसाद ढकाल- लेखा समिति सदस्य
३ योगराज काफ्ले – लेखा समिति सदस्य
पुनरावेदन समिति
१ अमृतप्रसाद आचार्य – पुनरावेदन समिति संयोजक
२ मकरानन्द पराजुली – पुनरावेदन समिति सदस्य
३ देवीप्रसाद आचार्य – पुनरावेदन समिति सदस्य
४ गोविन्दप्रसाद फुँयल – पुनरावेदन समिति सदस्य
५ उमेश वस्ती – पुनरावेदन समिति सदस्य
आज मिति २०७६ साल जेठ २८ गते क्याम्पस सञ्चालक परिषद्को १२ औँ बैठकको पूर्व अवसरमा क्याम्पसमा लामो समयसम्म सेवा गरी सेवा निवृत्त हुनुहुने प्राध्यापक तथा कर्मचारीको बिदाई र सोहि अवसरमा क्याम्पसमा अध्ययनरत उत्कृष्ट नतिजा ल्याउन सफल छात्रछात्रालाई छात्रवृत्ति प्रदान गर्ने कार्यक्रम सम्पन्न गरियो । सुकुना क्याम्पसका निबर्तमान क्याम्पस प्रमुख सह–प्राध्यापक श्री प्रेमप्रसाद भट्टराई, उपप्राध्यापक श्री भानु भण्डारी, उपप्राध्यापक हरीराम लिम्बू र स्टोर शाखाका कर्मचारी श्री प्रकाश मास्केलाई औपचारिक रुपमाा विदाई गरियो । यस अवसरमा विदाइ हुने प्राध्यापक कर्मचारीलाई क्याम्पसको विधान अनुसार क्याम्पसको तर्फबाट उपादानको रकम र प्राध्यापक कर्मचारी कल्याणकोषबाट उपहार प्रदान गरियो । छात्रवृत्तिकालागि छात्रवृत्ति समितिले छनोट गरेका छात्रछात्रालाई विश्वविद्यालय अनुदान आयोगको छात्रवृत्ति कोष, अक्षयकोष, क्याम्पस कोष तथा स्थानीय व्यक्तित्व, वित्तीय सङ्घ सस्थाले प्रदान गर्ने गरी जम्मा रु.१२ लाख ५ हजार बरावरको रकम वितरण गरियो । यो रकम छनोटमा परेका १९३ विद्यार्थीहरूलाई प्रमाणपत्र सहित दाता संस्थाका प्रतिनिधि, अक्षयकोष स्थापना गर्ने व्यक्तित्व, क्याम्पस सञ्चालक समितिका सदस्य, प्राध्यापक, कर्मचारी, विद्यार्थी र पत्रकारको उपस्थितिमा प्रदान गरियो । प्रमुख अतिथि संविधानसभा सदस्य श्री चन्द्रबहादुर गुरुङ रहेको उक्त कार्यक्रमको अध्यक्षता क्याम्पस सञ्चालक समितिका अध्यक्ष श्री देवेन्द्रकुमार मास्केले गर्नुृभएको थियो भने क्याम्पस प्रमुख श्री लक्ष्मीकुमार श्रेष्ठले कार्यक्रमको उपादेयता र क्याम्पस सञ्चालक समितिका उपाध्यक्ष श्री गोपालबहादुर थापाले स्वागत गर्नुभएको थियो ।
सुकुना वहुमुखी क्याम्पस पब्लिक क्याम्पस प्राध्यापक सघ क्याम्पस एकाइ कमिटिका सभापति तथा नेपाली विषयका उपप्राध्यापक श्री अर्जुनराज अधिकारी मिति २०७५ साल माघ २४ गतेकाे क्याम्पस सञ्चालक समितिकाे निर्णय अनुसार सहायक क्याम्पसकाे पदमा नियुक्त हुनुभएकाे छ ।