विश्वविद्यालय अनुदान आयोग नेपालको PRT टोलीबाट क्याम्पसको गुणस्तर‚ भौतिक‚ शैक्षिक‚ सामाजिक र व्यवस्थापकीय पक्षहरूको निरन्तर मूल्याङ्कन गरिहरेको छ । मिति २०८० साल पुस २५ गते बुधबारका दिन चौथो दिन अनुदान आयोग नेपालबाट त्रिभुवन विश्वविद्यालयका पूर्वउपकुलपति प्रा.डा. तीर्थराज खनियाको नेतृत्वमा प्रा. डा. सुशिलभक्त माथेमा‚ प्रा.डा. रेजिना मास्के र अनुदान आयोगकी क्युएए डेपुटि डाइरेक्टर भगवती पौडेल समेत रहेको विज्ञटोलीले वभिन्न पक्षहरूको शुक्ष्म मूल्याङ्कन गरेको छ । यस क्रममा टोलीले क्याम्पस सञ्चालक
समिति सँग क्याम्पसको दूरदृष्टि‚ गन्तव्य‚ रणनीति‚ कार्ययोजना‚ नीति तथा कार्यक्रम‚ शैक्षिक कार्यक्रम‚ बजेट‚ दीर्घकालीन योजना‚ दिगोपन आदि विषयमा सघन छलफल गरेको थियो । टोलीले मूल्याङ्कन‚ छलफल र अन्तर्क्रियाका सबै कामहरू सम्पन्न गरिसकेको र विहिबार विहान ८:३० बजे प्रतिवेदन हस्तान्तरण गर्ने कार्यक्रम रहेको छ ।