मिति २०८० फागुन १० गते विहिबारका दिन एक समारोहमा सुकुना बहुमुखी क्याम्पस‚ सुन्दरहरैँचा‚ मोरङ र जनमैत्री बहुमुखी क्याम्पस‚
कुलेश्वर‚ काठमाडौं बिच अनुसन्धान‚ शिक्षण कौसल‚ ज्ञान अभिवृद्धि र संस्थागत सञ्जाल तथा सम्बन्धको विकास र ती क्षेत्रहरूमा सहकार्य गर्ने
विषयमा द्विपक्षिय सम्झौता सम्पन्न भएको छ । दुबै क्याम्पसका क्याम्पस प्रमुख द्वय अर्जुनराज अधिकारी र भोलानाथ ओझाको रोहवरमा सुकुना
बहुमुखी क्याम्पसको अनुसन्धान व्यवस्थापन एकाइका प्रमुख गणेशप्रसाद दहाल र जनमैत्री बहुमुखी क्याम्पसका अनुसन्धान व्यवस्थापन एकाइका
प्रमुख अनिलप्रसाद भुषालले सम्झौतापत्रमा हस्ताक्षर गरी सम्झौतापत्र आदान प्रदान गरेका थिए ।